_1704867435.jpeg)
धरान: नेकपा माओवादी केन्द्रको धरानमा विभिन्न १५ वटा वडामा सम्मेलन सम्पन्न भएको छ ।
धरानको कुल २० वटा वडाहरुमध्ये १५ वटा वडाको सम्मेलन सम्पन्न भएको हो । सम्मेलनबाट सर्वसम्मत नेतृत्व पनि चयन भइसकेको माओवादी केन्द्र धरानका अध्यक्ष सुर्दशन श्रेष्ठले जानकारी दिए । उनका अनुसार वडा नं ३, ४, ६, ७ र १५ बाहेकका सबै वडामा सम्मेलन सम्पन्न भएको छ । बाँकी रहेको वडाहरुमा पनि मंसिर ८ र ९ गतसम्म सम्मेलन सम्पन्न हुने उनले बताए । ‘केही वडामा तयारी पुगेको छैन । कुनैमा टोल भेला गरिसके पछि मात्र वृहतरुपमा गर्ने भनेर हिजो नभएको हो,’उनले भने,‘जिम्मेवार साथीहरु विरामी भएर पनि सम्मेलन रोकिएको छ । तर ८ र ९ गतेसम्म भइसक्छ ।’
वडा सम्मेलनबाट कुल ३ सय जना प्रतिनिधिहरु छनौट हुने पनि अध्यक्ष श्रेष्ठले जानकारी दिए । समानुपातिक प्रणालीबाट प्रत्येक वडाबाट ४ जनाको दरले ८० जना र नविकृत पार्टी संगठीत सदस्य संख्याकोे प्रतिशतको आधारमा २२० जना प्रतिनिधि हुने केन्द्रीय कमिटीको सर्कुलर अनुसार निर्णय गरिएको उनको भनाई छ । साथै, यसअघिको धरान उपमहानगर कमिटीका सदस्यहरु स्वतः प्रतिनिधि हुने पनि श्रेष्ठले बताए ।
कुन वडामा को भए अध्यक्ष ?
वडा नं.१: रञ्जित साह
वडा नं.२: टेकेन्द्र श्रेष्ठ,
वडा नं.५ः धनकुमार राई
वडा नं.८ः झमक मगर
वडा नं.९ः रविन श्रेष्ठ
वडा नं.१०: केशव रिजाल
वडा नं ११ः जितराज राई
वडा नं १२ः खगेन्द्र कुरुङबाङ
वडा नं.१३: दिलिप चाम्लिंग
वडा नं.१४ः नविन केसी
वडा नं १६ः हिमाल कार्की
वडा नं. १७ः सुवास वर्देवा
वडा नं.१८ः मदन राई
वडा नं. १९ः शन्त तेम्ब
वडा नं.२०: विजय लामा
