उदयपुर: उदयपुर जिल्लाको बेल्टार नगरपालिका ९ बाट लागुऔषध करोबारमा संग्लग्न तीन जना पक्राउ परेका छन् ।

प्रहरीका अनुसार स्थानीय आकाश तिम्सिनाको घरबाट लागुऔषध बेचबिखन भईरहेको भन्ने बिशेष सूचनाका आधारमा गएको टोलीले उनीहरुलाई पक्राउ गरेको हो । पक्राउ पर्नेहरुमा घरधनी ३५ बर्षीय आकाश तिम्सिनासहित बेल्टार नगरपालिका १ का ३२ बर्षीय बिकास बस्नेत र धरान १३ का ३८ बर्षीय प्रणय निरौला रहेको ईलाका प्रहरी कार्यालय रामपुर ठोक्सिलाले जनाएको छ ।

उनीहरुको साथबाट प्रहरीले डाईजोल्याव ३ एम्पुल, लिजेसिक ४ एम्पुल, फेनारागन ४ एम्पुल, डाईलक्स डिसी १०० एमएलको २ बोतल, नाईट्राभेट ११ ट्याब्लेट, स्पास्मोप्रोक्सिवन ५९ ट्याब्लेट र गाँजा ३०० ग्राम पनि वरामद भएको छ । साथै, नगद १५ हजार र मिनिल्यापटप १ थान पनि वरामद भएको प्रहरीले जनाएको छ । पक्राउ परेकाहरुको सम्बन्धमा थप अनुसन्धान भईरेको उक्त कार्यालयले जनाएको छ ।