_1704867435.jpeg)
मोरङ: मोरङको कटहरी गाउँपालिका १ को भित्री सडक खण्डमा ट्याक्टर दुर्घटनामा परी चालकको मृत्यु भएको छ ।
आज राती साँढे १ बजेको समयमा को २ त ६७३६ नम्बरको ट्याक्टर आफै अनियन्त्रित भई दुर्घटना हुँदा ट्याक्टरले किचेर ग्रामथान गाउँपालिका ५ का २४ बर्षीय चालक युवराज भगतको मृत्यु भएको हो । जिल्ला प्रहरी कार्यालय मोरङका अनुसार घटनास्थलमा प्रहरी टोली खटि गई कानूनी प्रकृया पूरा गरी शव परिक्षणको लागी कोशी अस्पताल बिराटनगर पठाएको छ ।
पैनीमा डुबेर युवकको मृत्यु
सुनसरीको रामधुनी नगरपालिका ७ का २६ बर्षीय मिलन राईको पैनीमा डुबेर मृत्यु भएको छ । हिजो बुधवार अपरान्ह ४ बजे रामधुनी नगरपालिका ७ चौबिसबिघा भन्ने स्थानमा रहेको पैनीको पानीमा नुहाउने क्रममा पैनीमा खसेर डुब्दा राईको घटनास्थलमा नै मृत्यु भएको हो ।
घटनाबारे खबर आए पछि ईलाका प्रहरी कार्यालय पकलीबाट प्रहरी टोली खटिएको थियो । प्रहरी टोलीले राईलाई पैनीमा मृत फेला पारेको थियो । मृतकको कानूनी प्रकृया पूरा गरी शव परिक्षणको लागि बिपी कोईराला स्वास्थ्य बिज्ञान प्रतिष्ठान धरान पठाईएको छ भने अन्य थप अनुसन्धान भईरहेको उक्त कार्यालयले जनाएको छ ।
