मोरङ: मोरङको केरावारी गाउँपालिका ९ स्थित बेलचौरीकी ६३ बर्षीया लेख माया गुरुङको जंगली हात्तीको आक्रमणबाट मृत्यु भएको छ ।

आज बिहान ७ बजे गुरुङको जंगली हात्तीको आक्रमणबाट मृत्यु भएको प्रहरीले जनाएको छ । घटनाबारे जानकारी पाएलगत्तै ईलाका प्रहरी कार्यालय बेलवारीको टोली घटनास्थलतर्फ गएको थियो । प्रहरीले घर बाहिर खेतमा मृत अबस्थामा शव फेला पारेको जनाएको छ । मृतकको शव कानूनी प्रकृया पूरा गरी परिक्षणको लागि मंगलवारे अस्पताल पठाएको प्रहरीले जनाएको छ भने अन्य थप अनुसन्धान भइरहेको बताएको छ ।