मोरङ: मोटरसाइकल दुर्घटनामा मोरङको सुन्दरहरैचा ७ का ४० बर्षीय बिजेस लिम्बुको मृत्यु भएको छ ।

आज विहान ८ बजे सुन्दर हरैचा ८ सलकपुर स्थित राजमार्गमा प्रदेश नं १-०१-००१ ख ३४१० नम्बरको बसले मोटरसाइकललाई ठक्कर दिएको थियो । उक्त बसले को २१ प ५९९१ नम्बरको मोटरसाईकललाई ठक्कर दिदा चालक लिम्बु गम्भिर घाईते भएका थिए । उनको नोबेल अस्पताल बिराटनगरमा उपचारको क्रममा सवा ९ बजे मृत्यु भएको जिल्ला प्रहरी कार्यालय मोरङले जनाएको छ । ठक्कर दिने बस र चालक झापा कन्काई १ का २९ बर्षीय बाबुलाल उराव प्रहरी नियन्त्रणमा रहेको उक्त कार्यालयले जनाएको छ ।