सुनसरी: पुर्वपश्चिम राजमार्गमा पर्ने ईनरुवा नगरपालिका ४ स्थित ईनरुवा बसपार्कमा कारमा सवार ४ जना ब्राउन सुगरसहित पक्राउ परेका छन् । 

पक्राउ पर्नेमा सप्तरी हनुमाननगर कंकालिनी १४ का २० बर्षीय अमोद कुमार यादव, सप्तरी तिलाठी कोलारी ४ का २० बर्षीय ईनर कुमार मुखिया, सप्तरी रामपुर मलहनिया १४ का २४ बर्षीय बिनोद कुमार कामत, सप्तरी तिलाठी कोलारी ४ का १९ बर्षीय रमेश मुखिया र कार चालक तिलाठी कोलारी ४ का २२ बर्षीय फुल कुमार मुखिया रहेका छन् । उनीहरुलार्य हिजो राती ८ बजे लागूऔषध नियन्त्रण ब्यूरो विराटनगर र जिल्ला प्रहरी कार्यलाय सुनसरीको प्रहरी टोलीले पक्राउ गरेको हो ।

उनीहरु पश्चिमबाट पुर्वतर्फ आउदै गरेको बा १४ च ६१४५ नम्बरको कारमा सवार थिए । प्रहरीले उनीहरुको कार रोकेर चेकजाँच गर्दा अमोद कुमार यादवको साथबाट ब्राउन सुगर फेला परेको थियो । प्रहरीका अनुसार उनीहरुको साथबाट १३० ग्राम फेला ब्राउन सुगर वरामद भएको छ । पाँच जनालाई कारसहित नियन्त्रणमा लिएर जिल्ला प्रहरी कार्यालय सुनसरीबाट थप अनुसन्धान भईरहेको प्रहरीले जानकारी दिएको छ।