_1704867435.jpeg)
बिराटनगर: प्रदेश नं १ को दुई जिल्ला तेह्रथुम र सुनसरीमा हिजो शनिबार भएको सवारी दुर्घटनामा ४ जनाको ज्यान गएको छ ।
प्रदेश प्रहरी कार्यालय विराटनगरका अनुसार तेह्रथुमको लालीगुराँस नगरपालिका ४ को ग्रामिण सडक खण्डमा ट्याक्टर दुर्घटनामा २ जनाको मृत्यु भएको छ । को २ त ८४२६ नम्बरको ट्याक्टर आफै अनियन्त्रीत भई सडकबाट अन्दाजी ३० मिटर तल खसेको र उक्त दुर्घटनामा लालिगुराँस ५ का २२ बर्षीय पञ्च बहादुर मङग्रातीको घटनास्थलमा नै मृत्यु भएको प्रहरीले जनाएको छ । यस्तै, सोही ट्याक्टरमा सवार रहेका लालिगुराँस ५ का १६ बर्षीय हिम बहादुर सार्की गम्भीर घाईते भएका थिए । उनलाई उपचारको लागी धरान लैजाने क्रममा बाटोमा नै मृत्यु भएको जिल्ला प्रहरी कार्यालय तेह्रथुमले जनाएको छ ।
यसैगरी, सुनसरीको दुहवी नगरपालिका १० मा शनिवार साँढे ५ बजे दक्षिणतर्फ जाँदै गरेको को १९ प ५०८ नम्बरको मोटरसाईकल आफै अनितन्त्रीत भई बिजुलीको पोलमा ठोक्किदा चालकको मत्यु भएको प्रहरीले जनाएको छ । घाईते भएका मोटरसाईकल चालक दुहबी ११ का ४५ बर्षीय ईश्वरचन माझी (चौधरी)लाई उपचारको लागी टिचिङ अस्पताल बिराटनगर लगिएको थियो । उनको उपचारको क्रममा मृत्यु भएको ईलाका प्रहरी कार्यालय दुहवीले जनाएको छ ।
दुहवीमै भएको अर्को दुर्घटनामा थप एक जनाको ज्यान गुमेको छ । दुहबी ८ मा शनिवार साँझ साढे ६ बजे ना ५ ख ४५१३ नम्बरको बसले बाटो क्रस गर्दै गरेका पैदल यात्री बेलवारी नगरपालिका ५ का ७२ बर्षीय पवनलाल चौधरीलाई ठक्कर दिएको थियो । गम्भीर घाईते भएका चौधरीलाई उपचारको लागी बिराट मेडिकल कलेज लगिएको थियो । उनको उपचारको क्रममा राती ७ बजे मृत्यु भएको ईलाका प्रहरी कार्यालय दुहवीले जनाएको छ ।
