प्रचण्डको साथ छोडेका नेताहरु समेटेर प्रधानमन्त्रीले गरे मन्त्रीपरिषद विस्तार दुई मन्त्री हटाइए, केहीको जिम्मेवारी हेरफेर

काठमाडौं: प्रधानमन्त्री केपी शर्मा ओलीले केही मन्त्रीको जिम्मेवारी हेरफेर गर्दै मन्त्रीपरिषद विस्तार गरेका छन् ।

प्रधानमन्त्री ओलीले आज मन्त्रिपरिषदमा ८ जना मन्त्री र एक राज्यमन्त्री थपेर विस्तार गरेका छन् । नवनियुक्त मन्त्रीहरुको शुक्रबार साँझ नै सपथ ग्रहण भइसकेको छ । प्रधानमन्त्री ओलीले टोपबहादुर रायमाझी, मणि थापा, प्रभु शाह, प्रेमबहादुर आले, गणेश ठगुन्ना, गौरीशंकर चौधरी दावा लामा र जुलीकुमारी महतोलाई मन्त्री नियुक्त गरेका छन् । यस्तै, विमला विश्वकर्मालाई राज्यमन्त्री नियुक्त गरेका छन् ।

मन्त्रीमा नियुक्त रायमाझी, थापा, चौधरी, शाह र लामा प्रचण्ड निकट नेता हुन् । उनीहरुले प्रचण्डलाई छोडेर केपी ओलीलाई साथ दिएका छन् । राज्यमन्त्रीमा नियुक्त विक पनि प्रचण्ड निकट थिइन् । प्रधानमन्त्री ओलीले युवा तथा खेलकुदमन्त्री जगत विश्वकर्मा र उद्योग, वाणिज्य तथा आपूर्ति राज्यमन्त्री मोती दुगडलाई भने मन्त्री पदबाट हटाएका छन् । संसद विघटन गर्दै मध्यावधि निर्वाचनको घोषणालगत्तै प्रचण्ड र माधव पक्षका ७ मन्त्रीहरुले राजिनामा दिएका थिए ।

कुन मन्त्रालयमा को ?