_1704867435.jpeg)
धरान: नेकपा प्रचण्ड-नेपाल समुहको बिहिबार आह्वान गरिएको आम अड्तालको पुर्वसन्ध्यामा आज बुधबार साँझ धरानमा मसाल जुलुस निकालिएको छ ।
प्रचण्ड-नेपाल समुहले आमहड्ताल सफल बनाउन धरानमा पनि मसाल जुलुस निकालेको हो । छाताचोकस्थित पार्टी कार्यालयबाट निस्केको जुलुस छाताचोक हुँदै भानुचोकमा पुगेर कोणसभामा परिणत भएको थियो । आमहड्तालमा यातायात, बजार, उद्योग, कार्यालय सबै बन्द गर्न प्रचण्ड नेपाल समुहले आह्वान गरेको छ । कोणसभालाई सम्बोधन गर्दै नेता पदम लिम्बुले बाध्यता आइपरेकोले बन्द गरिएको बताए । संवैधानिक निकायमा नियुक्तीको लागि सिफारिश भएकाहरुलाई बुधबार सरकारले सपथ ग्रहण गराएपछि प्रचण्ड-नेपाल समुहले आकस्मिकरुपमा आमहडताल गरेको हो ।
