_1704867435.jpeg)
धरानः राष्ट्रिय यूवा संघ नेपाल धरान उपमहागनर समितिले कोरोना महामारीमा फ्रन्टलाइनमा खटिएका सुरक्षाकर्मीहरुलाई माक्स तथा सेनिटाइजर वितरण गरेको छ ।
संघले स्थापना दिवसको अवसर पारेर सुरक्षार्मीहरुलाई उक्त सामग्री वितरण गरेको हो । सुरक्षाकर्मीहरुलाई १२ सय ५० थान माक्स, १ सय २३ थान फेससिल्ड र २० लिटर सेनिटाइजर वितरण गरिएको संघका अध्यक्ष भवानी दाहालले जानकारी दिए । उनका अनुसार ईलाका प्रहरी कार्यालय धरानलाई ६ सय थान माक्स, ५० थान फेससिल्ड र ५ लिटर सेनिटाइजर प्रदान गरिएको छ ।
यस्तै, सशस्त्र प्रहरी बल (एपीएफ)लाई ३ सय २० थान माक्स, ३२ थान फेससिल्ड र ५ लिटर सेनिटाइजर, जिल्ला ट्राफिक प्रहरी कार्यालय सुनसरीलाई २ सय ३० माक्स, २३ थान फेससिल्ड र ५ लिटर सेनिटाइजर वितरण गरिएको संघले जनाएको छ । यसैगरि, वडा प्रहरी कार्यलय धरान र अस्थायी प्रहरी चौकी धरान १५ लाई समेत माक्स तथा सेनिटाइजर वितरण गरिएको छ। वडा प्रहरी कार्यलय धरानलाई १ सय माक्स, १० थान फेससिल्ड सेनिटाइजर वितरण गरिएको छ भने अस्थायी प्रहरी कार्यालय धरान १५ लाई ७ थान फेससिल्ड र १ लिटर सेनिटाइजर वितरण गरिएको संघले जनाएको छ ।
