धरान: गर्मी अत्यधिक बढेपछि धरानका विद्यालयहरु दुई दिन विदा दिइएको छ । 

धरान उपमहानगरपालिकाको शिक्षा, युवा तथा खेलकुद महाशाखाले बुधबार सुचना जारी गर्दै बिहिबार र शुक्रबार विद्यालय विदा दिइएको जानकारी दिएको हो । धरानका सबै सामुदायिक तथा संस्थागत विद्यालयहरु विदा दिइएको महाशाखाले जनाएको छ । 

 अत्यधिक गर्मीले विद्यालयहरुमा पठनपाठन गर्न कठिनाई सिर्जना भएकोले जेठ १७ र १८ गते दुई दिन विदा गर्न, गराउन उपमहानगरले जारी गरेको सुचनामा उल्लेख छ । गर्मीको दुई दिन विदालाई मिन पचासबाट कट्टा हुने पनि सुचनामा उल्लेख छ । पछिल्लो समय धरानमा पनि गर्मी अत्यधिक बढेर जनजीवन प्रभावित भएको छ ।