धरान: पछिल्लो २४ घण्टामा नेपालमा थप २५०८ जनामा कोरोना भाइरसको संक्रमण पुष्टि भएको छ।

स्वास्थ्य मन्त्रालयका अनुसार योसँगै नेपालमा संक्रमण हुनेको संख्या १ लाख ७० हजार ७ सय ४३ पुगेको छ। पछिल्लो २४ घण्टामा २२ सय ६४ जना संक्रमितहरु निको भएको पनि मन्त्रालयले जनाएको छ । योसँगै निको हुनेको संख्या एक लाख ३१ हजार २ सय २२ पुगेकोछ । यसैगरि, कोरोना संक्रमणबाट पछिल्लो २४ घण्टामा १७ जनाको मृत्यु भएको पनि मन्त्रालयले जनाएको छ । योसहित नेपालमा मृत्यु हुनेको कुल संख्या ९३७ पुगेको छ।