_1704867435.jpeg)
धरान: धरानमा आज शुक्रबार साँझ थप ४२ जना कोरोना संक्रमित थपिएका छन् ।
वीपी कोइराला स्वास्थ्य विज्ञान प्रतिष्ठानको ल्याबमा गरिएको पछिल्लो पिसिआर परिक्षण रिपोर्ट अनुसार ४२ जनाको रिपोर्ट पोजेटिभ आएको हो । ती मध्ये एक जना उपमहानगरपालिकाको घरनक्सा शाखाकी महिला कर्मचारी छिन् भने अर्का एक जना उपमहानगरपालिका अन्तर्गतका स्वास्थ्यकर्मी पनि छिन् ।
योसँगै धरानमा कुल संक्रमित संख्या २७१५ जना पुगेको स्वास्थ्य महाशाखा प्रमुख उमेश मेहताले जानकारी दिए । उनका अनुसार वीपीको हेल्प डेस्कमा हिजो बिहिबार र आज शुक्रबार संकलित स्वाब साथै आजै उपमहानगरपालिकाले पनि केही स्वाब संकलन गरेर परिक्षण गर्न पठाइएको थियो ।
