_1704867435.jpeg)
धरान: धरानबाट थप २ जना बन्दकर्ता पक्राउ परेका छन् ।
आमहडताल सफल बनाउन धरानको भानुचोकमा खटिएका नेकपाको प्रचण्ड माधव समुहका कार्यकर्ताहरु खड्गबहादुर पौडेल र जीवन राई पक्राउ परेका हुन् । उनीहरुले जर्बजस्ती यातायात अवरुद्ध गराउन खोजेको कारण नियन्त्रणमा लिइएको इलाका प्रहरी कार्यालय धरानका डिएसपी ज्ञानेन्द्र बस्नेतले बताए । पक्राउ परेका पौडेल यातायात मजदुर भएको बताइएको छ भने राई युवा संघ धरानको नगर सदस्य हुन् ।
यसअघि बिहानै युवा संघको धरान नगर सहसंयोजक विजय तामांग पनि पक्राउ परेका थिए । उनीहरुलाई ईलाका प्रहरी कार्यालयमा राखिएको छ । पक्राउ परेकाहरुलाई साँझसम्म राखिने र माथिल्लो निकायको निर्देशन वमोजिम छोड्ने वा राख्ने निर्णय गरिने डिएसपी बस्नेतले बताए । सरकारले संवैधानिक निकायहरुमा सिफारिश भएकाहरुलाई संसदीय सुनुवाई नगरि जर्बजस्ती सपथ ग्रहण गराएको भन्दै नेकपाको प्रचण्ड माधव समुहले आज आमहड्ताल गरेको हो ।
