_1704867435.jpeg)
धरान: टेम्पोमा लागुऔषध गाँजा लिएर जादै गर्दा सुनसरी प्रहरीले २ जनालाई पक्राउ गरेको छ ।
इलाका प्रहरी कार्यालय देवानगंज सुनसरी र प्रहरी चौकी घुस्कीहाटको संयुक्त प्रहरी टोलीले हरिनगरा गाउँपालिका ७ यादव टोलस्थित भित्री सडक खण्डबाट १०७ किलो ८ सय ग्राम गाँजासहित २ जनालाई पक्राउ गरेको हो । देवानगंजबाट घुस्किहाटतर्फ जादैँ गरेको को १ ह २२६१ नम्बरको अटोलाई चेकजाँच गर्ने क्रममा उक्त अटोमा प्लाष्टिकको ४ वटा बोरामा लुकाई ल्याएको गाँजा वरामद भएको सुनसरी प्रहरीले जनाएको छ ।
प्रहरीले गाँजा र अटो चालक सुनसरी देवानगंज २ का २० बर्षीय आलम अन्सारी र सहचालक सोही ठाउँ ४४ बर्षीय मन्जुल मियालाई नियन्त्रणमाम लिएको जनाएको छ । अटोसहित पक्राउ परेका दुवैलाई जिल्ला प्रहरी कार्यालय सुनसरीमा ल्याएर थप अनुसन्धान गरिरहेको पनि प्रहरीले जनाएको छ ।
