_1704867435.jpeg)
धरान: १९ औं अम्वर ललित डिपो कपको दोस्रो दिन शनिबार कार्मेल हाइ स्कुल, प्रभात इङ्गिलस स्कुल र पुलिस स्कुल विजयी भएको छ।
आयोजक डिपो स्कुलको मैदानमा भएको पहिलो खेलमा कार्मेलले जयसोया स्कुललाई २–० गोल अन्तरले पराजित गर्यो । खेलमा दुवै गोल कार्मेलका दर्शन राईले गरेका थिए ।
यस्तै, दोस्रो खेलमा प्रभात स्कुलले धरान लिगामेन्ट स्कुललाई २–० गोल अन्तरले नै पराजित गर्यो । खेलमा प्रभात स्कुलका सिमन्स शेर्पा र दिशन वराइलीले गोल गरे ।
अन्तिम खेलमा पुलिस स्कुलले आइडल इङ्गिलिस बोर्डिङ्ग स्कुललाई ८–० गोलको फराकिलो अन्तरले हरायो । खेलमा पुलिस स्कुलका नेयुस खड्काले एक्लैले ५ गोल गरे भने सविन बुढाथोकी, अन्सु वास्फोर र सयन राईले एक एक गोल गरेका थिए ।
शनिबार भएको खेलहरुमा जयसोया स्कुलका प्रनिस राई, धरान लिगामेन्टका रामकृष्ण मेहेता र आइडल स्कुलका रिकेश खत्री म्यान अफ द म्याच घोषित भए । उनीहरुलाई प्रतियोगिताका संयोजक डिपो स्कुल व्यवस्थापन समिति सदस्य द्धिपराज राईले ट्रफि प्रदान गरेका थिए ।
भोली आइतबारको खेल समिट स्कुल र इमानुयल, दिल्ली पव्लिक र नोवेल एकेडेमी, माउन्ट हर्मन र डिपोट निलो, सुनखरी एकेडेमी र हिविकस स्कुलबीच प्रतिस्पर्धा हुनेछ ।
