काठमाडौः आज  राती १२ बजेबाट लागू हुने गरी नेपाल आयल निगमले डिजेल र पेट्रोलको मूल्य घटाएको छ ।

निगमले डिजेल र पेट्रोलको मूल्य प्रतिलिटर दुई रुपैयाँको दरले घटाएको हो । नयाँ मूल्यअनुसार पेट्रोलको मुल्य प्रतिलिटर १०८ रुपैयाँ र डिजेलको प्रतिलिटर ९७ रुपैयाँ कायम भएको छ । खाना पकाउने ग्यास र हवाई इन्धनको मूल्य भने याथावत रहेको निगमले जनाएको छ । निगमका अनुसार नियमित मूल्य समायोजन प्रक्रिया अन्तर्गत नै इन्धनको मूल्य घटेको हो ।