_1704867435.jpeg)
धरानः प्रदेश नं १ का मुख्यमन्त्री शेरधन राई शनिबार साँझ अचानक धरान १२ स्थित पब्लिक हाइस्कुलको मैदानमा पुगे । त्यहाँ बिहिबारदेखि १० दिने औद्योगिक व्यापार मेला आयोजना भइरहेको छ ।
मुख्यमन्त्री राईसँगै धरानका मेयर तिलक राई पनि औद्योगिक मेला पुगेका थिए । उनीहरुले औद्योगिक मेलामा राखिएको स्टलहरुको अवलोकन गरे । मुख्यमन्त्री राई प्रत्येक स्टलमा पुगेका थिए । मुख्यमन्त्री राई आज शनिबार २२ औं बुढासुब्बा गोल्डकपको समापन समारोहमा प्रमुख आतिथ्यता ग्रहण गर्न धरान आएका थिए । कार्यक्रम सकेर राजधानी विराटनगर फर्कने क्रममा उनी औद्योगिक मेला अवलोकन गर्न पुगेका हुन् ।
