_1704867435.jpeg)
विराटनगर: प्रदेश १ सरकारद्धारा सञ्चालित कोशी अस्पताल कोभिड १९ उपचार केन्द्रलाई सुविधा सम्पन्न बनाउनसामाजिक विकास मन्त्रालयले विभिन्न साझेदार संस्थाहरुसँगको छलफललाई तीव्रता दिएको छ ।
स्वास्थ्य क्षेत्रसँग संवन्धित प्रदेश १ मा कार्यरत अन्र्तराष्ट्रिय गैरसरकारी संस्थाहरुका प्रतिनिधिहरुसँग मंगलबार मन्त्रालयमा छलफल गर्दै सहयोगका लागि अपिल गरेको छ । सामाजिक विकास मन्त्री जीवन घिमिरेको उपस्थितिमा वसेको बैठकले कोभिड अस्पतालका लागि आवस्यक स्वास्थ्य उपकरण तथा सामाग्री सहयोग गर्न मन्त्रालयले आग्रह गरेको हो ।
अस्पताललाई सहयोग गर्न इच्छुक संस्थाहरुले आगामी वैशाख १९ गते भित्रमा विववरण उपलब्ध गराउन भनिएको छ । मन्त्रालयले विभिन्न अन्र्तराष्ट्रिय तथा राष्ट्रिय गैरसरकारी संस्थाहरुले यसअघि गरेको सहयोगका लागि धन्यवाद दिएको छ । यसअघि कोभिड १९ अस्पतालका लागि विभिन्न गैरसरकारी संस्थाहरुले आईसीयु वेड, स्वास्थ्य सामाग्री, स्वास्थ्य उपकरणहरु सहयोग गरेका थिए ।
