काठमाण्डौं: आज बुधबार एकैदिन थप तीनजना कोरोना संक्रमित थपिएका छन् ।

राष्ट्रिय जनस्वास्थ्य प्रयोगशाला, टेकुले तीन जनामा कोरोना पोजेटिभ भएको पुष्टि गरेको हो । तीन मध्ये दुई जना बाराका हुन् भने एक जना पर्साका हुन् । संक्रमितहरु जितपुर सिमर नगरपालिकाका ४३ बर्षीय, सिम्रौनगढका ३१ बर्षीय र वीरगञ्ज २ का ४६ बर्षीय पुरुष छन् । योसँगै नेपालमा कोरोना संक्रमितको संख्या ५७ पुगेको छ । ती मध्ये १६ जना उपचार पश्चात निको भएर घर फर्किसकेका छन् ।