_1704867435.jpeg)
विराटनगर: कोशी अस्पताल कोभिड १९ उपचार केन्द्रका लागि नेकपा निकट राष्ट्रिय युवा संघ नेपाल मोरङले परीक्षणको लागि स्वाबको नमुना संकलन गर्न वुथ हस्तान्तरण गरेको छ ।
कोराना भाईरसका शंकास्पद व्यक्तिको नमुना संकलन लिनका लागि सहयोग पु¥याउने उद्देश्यले नमुना संकलन वुथ हस्तान्तरण गरिएको राष्ट्रिय युवा संघ नेपालका केन्द्रिय सदस्य मुकेश बुढाथोकीले जानकारी दिए । कोभिड अस्पतालमा आन्तरिक मामिला तथा कानुन मन्त्री हिक्मत कार्की र सामाजिक विकास मन्त्री जीवन घिमिरेलाई वुथ हस्तान्तरण गरिएको थियो । मन्त्रीद्धयले संयुक्त रुपमा बुथ ग्रहण गरेर कोशी अस्पताल विराटनगरकी मेसु संगीता मिश्रालाई हस्तान्तरण गरेकी थिइन् ।
युवा संघ मोरंगले इन्जिनियरको प्राविधिक सहयोगमा करिव ८५ हजार लागतमा बुथ निर्माण गरेको अध्यक्ष नविन पौडेलले जानकारी दिनुभयो । उनका अनुसार राष्ट्रिय युवा संघले अहिले सम्म तीन वटा वुथ निर्माण गरेको छ । यसअघि सुन्दरहरैचा नगरपालिका र बेलबारी नगरपालिकालाई हस्तान्तरण गरिएको अध्यक्ष पौडेलले बताए ।
