_1704867435.jpeg)
धरान: मोवाइलको बिषयमा विवाद हुँदा धरानमा आफ्नै साथीमाथि खुकुरी प्रहार भएको छ ।
धरानको वडा नं ३ स्थित भृकुटी पाखामा हिजो राती साढे ८ बजे यो घटना भएको हो । वडा ३ का विजय तामाङले खुकुरी प्रहार गर्दा उत्तम तामाङ र सन्दिप तामाङ घाइते भएका हुन् । तीनै जना साथी भएको र मोवाइलको बिषयमा विवाद हुँदा विजयले खुकुरी प्रहार गरेको इलाका प्रहरी कार्यालय धरानका डिएसपी ढुण्डीराज न्यौपानेले जानकारी दिए ।
डिएसपी न्यौपानेका अनुसार घाइते सन्दिपको बाँया कम्मर र छातीमा चोट लागेको छ । उनको वीपी कोइराला स्वास्थ्य विज्ञान प्रतिष्ठानमा उपचार पश्चात घर फर्किसकेका छन् भने अर्का घाइते उत्तमको कम्मर पछाडि चोट लागेको छ । उनको पनि विजयपुर हस्पिटलमा उपचार भएको छ । खुकुरी प्रहार गर्ने विजयलाई पक्राउ गरेर अनुसन्धान गरिरहेको डिएस्पी न्यौपानेले बताए ।
