_1704867435.jpeg)
धरान: नेपालमा ६ जना कोरोना संक्रमित थपिएका छन् । योसँगै कुल संक्रमितको संख्या २७३ पुगेको स्वास्थ्य तथा जनसंख्या मन्त्रालयले जनाएको छ ।
सहप्रवक्ता डा.समिरकुमार अधिकारीका अनुसार राष्ट्रिय जनस्वास्थ्य प्रयोगशालामा गरिएको परीक्षणबाट ६ जना नयाँ संक्रमित पुष्टि भएको हो । संक्रमितहरु वर्दिया नार्खु ११ का २८ बर्षीय एक महिला छिन् । यस्तै, सिराहा सखुवा १९ का ३० बर्षीय एक पुरुष छन् । यसैगरि, पर्सा वीरगञ्ज १२ का २८ र २९ बर्षीय दुई पुरुष पनि संक्रमित भएका छन् ।
यस्तै, सर्लाही रामनगर ४ का १८ बर्षीय एक युवती र चितवन गढौली १ निवासी २५ बर्षीय एक महिला पनि संक्रमित भएको मन्त्रालयले जनाएको छ । संक्रमित सबैको स्वास्थ्य सामान्य रहेको छ ।
