_1704867435.jpeg)
धरान: नेपालमा थप ५३ जना कोरोना संक्रमित थपिएका छन् । योसँगै कुल संक्रमित संख्या ३५७
पुगेको छ ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा.विकास देवकोटाले यो जानकारी गराएका हुन् । उनका अनुसार बाँकेमा मात्र ४७ जना संक्रमित थपिएका छन् । ती मध्ये ४६ जना पुरुष र एक महिला छिन् । यस्तै, मोरङमा १ जना संक्रमित थपिएका छन् भने गुल्मी, धनुषा, रौतहट, दाङ र धादिङमा पनि एक एक जना संक्रमित पुष्टि भएको डा.देवकोटाले जानकारी दिए ।
संक्रमितहरुको उमेर १८ बर्षदेखि ४६ बर्ष उमेर समुह रहेको पनि मन्त्रालयले जनाएको छ । सबैको कन्ट्रयाक्ट ट्रेसिङ भइरहेको पनि डा.देवकोटाले जानकारी दिए । कुल संक्रमित ३५७ मध्ये पुरुष २९८ र महिला ५९ जना छन् । यस्तै, ३६ जना निको भएर घर फर्किएका छन् भने २ जनाको मृत्यु समेत भएका छन् । साथै, हालसम्म ३१ जिल्लामा कोरोना संक्रमित भेटिएको पनि डा.देवकोटाले बताए ।
