_1704867435.jpeg)
धरान: नेपालमा कोरोना संक्रमितहरुको संख्या ६ सय नाघेको छ ।
आज स्वास्थ्य तथा जनसंख्या मन्त्रालयले दिएको जानकारी अनुसार कोरोना संक्रमितको संख्या ६०३ पुगेको छ। मन्त्रालयका प्रवक्ता डा.विकास देवकोटाले आज दिउँसो थप १९ जनामा कोरोना संक्रमण पुष्टि भएको जानकारी दिए । मिडिया ब्रिफिङमा प्रवक्ता डा. देवकोटाले दिएको जानकारी अनुसार मोरङका एकजना, बाराका एकजना, पर्साका तीनजना, रौटहटका एकजना संक्रमित पुष्टि भएका छन् ।
यसैगरि, सर्लाहीका एकजना, रुपन्देहीका तीनजना, काठमाडौंका एकजना, नुवाकोटका एकजना, रुपन्देहीमा तीनजना, कपिलवस्तुमा तीनजना र गुल्मीमा एक जना संक्रमित पुष्टि भएका हुन् । नुवाकोटमा पहिलो पटक संक्रमित भेटिएको र कुल कोरोना संक्रमित जिल्ला ४२ पुगेको पनि डा.देवकोटाले जानकारी दिए ।
