_1704867435.jpeg)
धरान: नेपालमा आज एकै पटक ९० जनामा कोरोना संक्रमण पुष्टि भएको छ ।
स्वास्थ्य मन्त्रालयको नियमित मिडिया ब्रिफिङको क्रममा प्रवक्ता डा. विकास देवकोटाले ९० जनामा कोरोना संक्रमण पुष्टि भएको जानकारी दिएका हुन् । यो सँगै देशभर कुल कोरोना संक्रमितको संख्या ७७२ पुगेको पनि डा.देवकोटाले जानकारी दिए । मन्त्रालयका अनुसार कपिलवस्तुमा २६ जना, रौतहटमा २२ जना, सुर्खेतमा १२ जना, महोत्तरीमा २ जना, बारामा ५ जना, सिराहामा ५ जनामा कोरोना संक्रमण पुष्टि भएको छ ।
यस्तै, बाँकेमा एक जना, कपिलवस्तुमा २ जना, अर्घाखाचीमा २ जना, गुल्मीमा २ जना, रुपन्देहीमा एक जना, कैलाली,अछाम लगायत जिल्लामा पनि संक्रमित भेटिएको डा.देवकोटाले जानकारी दिए । यस्तै, १५५ जना निको भएर घर फर्किएका छन् भने ४ जनाको संक्रमणबाट मृत्यु भएको छ ।
