_1704867435.jpeg)
धरान: धरान १७ एन्फा एकेडेमी क्वारेन्टाइनमा आज शुक्रबार २४ जनाको स्वाब संकलन गरिएको छ ।
क्वारेन्टाइनमा बसेका १९ जनाको र क्वारेन्टाइनमा आउ जाउ गर्ने ५ जनाको गरि २४ जनाको स्वाब संकलन गरिएको धरान उपमहानगरपालिकाका स्वास्थ्य महाशाखा प्रमुख उमेश मेहताले जानकारी दिए । उनका अनुसार ५ जना क्वारेन्टाइनमा रहेकाहरुलाई खाना पुर्याउन जानेहरु हुन् । स्वाब संलकन गरेर अहिले वीपी कोइराला स्वास्थ्य विज्ञान प्रतिष्ठानमा राखिएको पनि उनले बताए ।
एन्फा क्वारेन्टाइनबाट आज ५ जना डिस्चार्ज भएका थिए । आज थप १० जना काकडभिट्टा नाकाबाट एन्फा क्वारेन्टाइनमा थपिदैछन् । उनीहरु अहिलेसम्म भने क्वारेन्टाइनमा आइसकेका छैनन् ।
