_1704867435.jpeg)
धरान: वीपी कोइराला स्वास्थ्य विज्ञान प्रतिष्ठान धरानबाट कोरोना संक्रमणमुक्त भएर १३ जना डिस्चार्ज भएका छन् ।
प्रतिष्ठानका प्रवक्ता डा.निदेश सापकोटाका अनुसार पिसिआर रिपोर्ट नेगेटिभ आएपछि उनीहरु डिस्चार्ज भएका हुन् । डिस्चार्ज हुनेहरुमा मोरङका १२ जना पुरुष छन् भने एक जना झापाका पुरुष छन् । उनीहरुको उमेर १५ देखि ४१ बर्षको रहेको छ । उनीहरुमध्ये मोरङका ८ जना जेठ २८ गते, मोरङकै ४ जना जेठ ३१ गते र झापाका एक जना जेठ ३१ गते भर्ना भएका थिए ।
प्रतिष्ठानमा हाल ६३ जना आइसोलेसनमा उपचाररत अवस्थामा रहेको प्रतिष्ठानले जनाएको छ । हालसम्म प्रतिष्ठानबाट उपचार पश्चात डिस्चार्ज हुनेको कुल संख्या १२८ पुगेको पनि प्रतिष्ठानले जानकारी दिएको छ ।
