धरान: पछिल्लो चौबिस घण्टामा नेपालमा ५३८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा प्रवक्ता डा.जोगेश्वर गौतमले आज ५३८ जना कोरोना संक्रमण थपिएको जानकारी दिएका हुन् । ती मध्ये ४४८ जना पुरुष र ९० महिला छन् ।

योसँगै नेपालमा कोरोना संक्रमितहरुको कुलसंख्या १० हजार नाघेको छ । आजसम्म नेपालमा कुल संक्रमति संख्या १० हजार ९९ पुगेको छ । डा.गौतमका अनुसार आज ७६ जना डिस्चार्ज भएका छन् । अहिलेसम्म संक्रमणमुक्त भई डिस्चार्ज हुनेको कुल संख्या २२२४ जना रहेको पनि उनले बताए ।