धरान: नेपालमा आज थपिएका कोरोना संक्रमित व्यक्तिहरु मध्ये ५ जना सुनसरी जिल्लाका हुन् ।

ती मध्ये एक जना बराहक्षेत्र नगरपालिकाका हुन् भने ३ जना कोशी गाउँपालिका र एक जना दुहबीका हुन् । संक्रमित पाँच मध्ये ४ जना क्वारेन्टाइनमा रहेका थिए । कोशी गाउँपालिकाका एक जना होम क्वारेन्टाइनमा थिए । होम क्वारेन्टाइनमा रहे पनि बाहिर कतै ननिस्कने गरेको जिल्ला जनस्वास्थ्य कार्यालय सुनसरीले जनाएको छ ।

पाँच जनामध्ये २ जनालाई गोठगाउँ आइसोलेसनमा पठाइएको छ भने ३ जनालाई कोशी कोभिड अस्पताल पठाइएको छ । सबैको अवस्था सामान्य रहेको पनि जिल्ला जनस्वास्थ्य कार्यालय सुनसरीले जानकारी दिएको छ ।