धरान: पछिल्लो २४ घण्टामा नेपालमा ४६३ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार १०५ जना महिला र ३५८ जना पुरुषमा संक्रमण पुष्टि भएको हो । मन्त्रालयका प्रवक्ता डा.जोगेश्वर गौतमका अनुसार योसँगै कुल संक्रमित संख्या १२ हजार ७ सय ७२ पुगेका छन् । ती मध्ये १ हजार ४ सय ७४ महिला र ११ हजार २ सय ९८ पुरुष छन् ।
यसैगरि, पछिल्लो २४ घण्टामा १७९ जना संक्रमण निको भएर डिस्चार्ज भएका छन् । आजसम्म कुल डिस्चार्ज हुनेको संख्या ३ हजार १३ पुगेको पनि प्रवक्ता डा.गौतमले जानकारी दिए ।