धरान: पछिल्लो २४ घण्टामा नेपालमा ४८२ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयले नियमित मिडिया ब्रिफिङको क्रममा ११७ जना महिला र ३६५ जना पुरुषमा संक्रमण पुष्टि भएको जानकारी दिएको हो । योसँगै देशभर संक्रमितहरुको संख्या १४ हजार ४६ पुगेको पनि प्रवक्ता डा.जोगेश्वर गौतमले जानकारी दिए । उनका अनुसार १ हजार ७ सय ७४ महिला संक्रमित छन् भने पुरुष संक्रमितको संख्या १२ हजार २ सय ७२ रहेको छ । यस्तै, आजसम्म संक्रमण मुक्त भएर डिस्चार्ज हुनेको संख्या ४ हजार ६ सय ५६ पुगेको छ ।