धरान: पछिल्लो २४ घण्टामा नेपालमा १ सय ८० जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत विभिन्न जिल्लामा १८० जनाको पिसिआर रिपोर्ट पोजेटिभ आएको पुष्टि गरेका हुन् । योसँगै.कुल संक्रमितको संख्या १५ हजार ९ सय ६४ पुगेको पनि डा.गौतमले जानकारी दिए ।

यसैगरि, आज २ सय ६४ जना कोरोनामुक्त भएका छन्। हालसम्म कुल ६ हजार ८ सय ११ जना विभिन्न अस्पतालबाट डिस्चार्ज भएको पनि डा.गौतमले जानकारी दिए । मन्त्रालयका अनुसार हालसम्म २ लाख ५५ हजार बढीको पिसिआर परीक्षण भएको मन्त्रालयले जनाएको छ। हालसम्म कोरोनाबाट ३४ जनाको मृत्यु भएको छ।