_1704867435.jpeg)
विराटनगर: प्रदेश १ मा आज ६ जना संक्रमित थपिएका छन् ।
ती मध्ये एक जना सुनसरीका छन् । सुनसरीमा रामधुनी नगरपालिकाको क्वारेन्टाइनमा रहेका एक पुरुषमा कोरोना रिपोर्ट पोजेटिभ आएको हो । यस्तै झापामा ४ जना र मोरङमा १ जनामा संक्रमण देखिएको सामाजिक विकास मन्त्रालयले जनाएको छ । मन्त्रालयका अनुसार झापाको गौरीगञ्जमा ३ पुरुष र दमकमा १ पुरुषमा संक्रमण पुष्टि भएको हो । यस्तै, मोरङको कटहरी पनि एक जना पुरुषमा संक्रमण देखिएको छ । प्रदेश १ मा कोरोना संक्रमतिको संख्या ७ सय ३० पुगेको छ ।
यसैगरी, प्रदेश १ मा आज ३३ जना डिस्चार्ज भएका छन् । पूर्वाञ्चल विश्वविद्यालय कोभिड १९ आईसोलेसन अस्पतालमा उपचाररत ३३ जना डिस्चार्ज भएको सामाजिक विकास मन्त्रालयले जनाएको छ । डिस्चार्ज हुनेमा झापाका २०, मोरंगका ५, संखुवासभाका ३, सुनसरी र खोटाङका २–२ र ताप्लेजुङका १ पुरुष डिस्चार्ज भएका हुन । प्रदेश १ मा डिस्चार्ज हुनेको संख्या ६ सय ४ पुगेको छ ।
