धरान: पछिल्लो २४ घण्टामा नेपालमा ५७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ३ हजार ३ सय ३१ जनाको रियल टाइम पिसिआर परीक्षण गर्दा ५७ जनामा मात्र संक्रमण पुष्टि भएको हो । योसँगै नेपालमा कुल संक्रमितको संख्या १७ हजार ५ सय २ जना पुगेको छ ।

मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा १०३ जना डिस्चार्ज भएका छन् । अहिलेसम्म डिस्चार्ज भएकाहरुको संख्या ११ हजार ६ सय ३७ पुगेको छ । अहिले क्वारेन्टाइनमा २३ हजार २ सय ७५ जना रहेका छन् भने पोजेटिभ रिपोर्ट आएर आइसोलेसनमा रहनेहरुको संख्या ५ हजार ८ सय २५ रहेको पनि डा.गौतमले जानकारी दिए ।