_1704867435.jpeg)
धरान: धरान १७ स्थित एन्फा एकेडेमी क्वारेन्टाइनमा रहेका एक जनामा कोरोना संक्रमण पुष्टि भएको छ ।
बराहराइनबाट आएका धरान १५ का ३१ बर्षीय एक पुरुषमा संक्रमण पुष्टि भएको हो । साउन ६ गते ३२ जनाको स्वाब संकलन गरेर परीक्षण गर्न पठाएकोमा एक जनाको रिपोर्ट पोजेटिभ आएको उपमहानगरपालिकाका स्वास्थ्य महाशाखा प्रमुख उमेश मेहताले जानकारी दिए । उनका अनुसार संक्रमित व्यक्ति बहराइनबाट आएदेखि एन्फा एकेडेमी क्वारेन्टाइनमा रहेका थिए । ती व्यक्तिलाई वीपी प्रतिष्ठानको आइसोलेसनमा पठाइने मेहताले जानकारी दिए ।
योसँगै धरानमा मात्र कोरोना संक्रमितको संख्या १५ पुगेको छ । ती मध्ये १४ जना विदेशबाट आएकाहरुमा संक्रमण देखिएको हो भने एक जना धरान १३ की महिलामा पोजेटिभ देखिएको थियो । कुल १५ जना मध्ये १० जना निको भएर घर फर्किसकेका छन् ।
