_1704867435.jpeg)
धरान: धरानमा आज थप ९ जनामा कोरोना संक्रमण पुष्टि भएको । योसँगै धरानमा मात्र संक्रमितहरुको संख्या ५५ जना पुगेको छ ।
कोरोना पुष्टि भएका ९ मध्ये ४ जना भारतीय आर्मी भएको खुलेको छ । उनीहरु ३ जना एन्फा क्वारेन्टाइनमा छन् भने एक जना होटल क्वारेन्टाइनमा रहेका छन् । यस्तै, २ जना एन्फा क्वारेन्टाइनबाट नेगेटिभ भएर होम क्वारेन्टाइनमा बसेका धरान १३ का हुन् । उनीहरु साउन १८ गते क्वारेन्टाइनबाट घर गएका थिए । तर उनका साथीहरु पोजेटिभ आएपछि रिचेक गर्दा पोजेटिभ देखिएको स्वास्थ्य महाशाखा प्रमुख उमेश मेहताले जानकारी दिए । उनीहरु दुबईबाट आएका हुन् । ‘उहाँहरु होम क्वारेन्टाइनमा नै हुनुहुन्छ,’ मेहताले बताए ।
समुदायका ३ जना पोजेटिभ
समुदायका पनि ३ जना संक्रमित भएका छन् । ती धरान १० का २० बर्ष र १६ बर्षका युवतीहरु हुन् । यस्तै, धरान १९ का ४० बर्षका पुरुष पनि संक्रमित देखिएका छन् । तत्काल अस्पतालमा बेड खाली नभएकोले उनीहरु होम आइसोलेसनमा नै रहेको मेहताले बताए । ‘कहाँ, के गर्ने भनेर सरसल्लाह गछौं,’उनले बताए ।
