_1704867435.jpeg)
धरान: पछिल्लो २४ घण्टामा दे्शभर ९२७ जना कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार यो संख्या थप भएसँगै नेपालमा कुल संक्रमितहरुको संख्या ३६ हजार ४५६ पुगेको छ । शुक्रबारसम्म निको हुनेको संख्या २० हजार २४२ जना रहेको छ । यसैगरि, पछिल्लो २४ घण्टामा देशभर १२ जना संक्रमितहरुको पनि निधन भएको छ । मन्त्रालयका प्रवक्ता डा.जागेश्वर गौतमका अनुसार ४ जना महिला र ८ जना पुरुषको निधन भएको छ ।
निधन भएका महिलाहरुमा मोरङका ५६ बर्षीया र ६५ बर्षीया महिला छन् भने भक्तपुरकी ६४ बर्षीया र मकवानपुरकी ७१ बर्षीया महिलाको पनि निधन भएको छ । यसैगरि, पुरुषहरुमा उदयपुरका ५२ बर्षी, पर्साका ७२ बर्षीय, धनुषाका ४५ बर्षीय र सिरहा ५५ बर्षीयको निधन भएको छ । यसैगरि, झापाका ८३ बर्षीय, चितवनका ५१ बर्षीय, कास्कीका ५२ बर्षीय र रुपन्देहीका ६० बर्षीय पुरुष छन् । मृतकको कुल संख्या १९५ जना पुगेको पनि प्रवक्ता डा.गौतमले जानकारी दिए । यो कुल संक्रमितको ०.५३ प्रतिशत भएको पनि उनले बताए ।
