_1704867435.jpeg)
धरान: नेपालमा पछिल्लो २४ घण्टामा ११२० जना कोरोना संक्रमित थपिएका छन् ।
संक्रमण पुष्टि भएकाहरुमा ३२० महिला र ८ सय पुरुष भएको स्वास्थ्य तथा जनसंख्या मन्त्रालयले जनाएको छ । योसँगै कुल संक्रमितको संख्या ४१ हजार ६४९ पुगेको छ भने २३ हजार २९० निको भएर डिस्चार्ज भएका छन् । पछिल्लो २४ घण्टामा १११२ जना डिस्चार्ज भएको मन्त्रालयका प्रवक्ता डा.जागेश्वर गौतमले जानकारी दिए ।
१२ जनाको मृत्यु
यस्तै, पछिल्लो २४ घण्टामा नेपालमा १२ जना कोरोना संक्रमितको मृत्यु भएको छ ।
मत्यु हुनेमा ६ जना महिला र ६ जना पुरुष छन् । मन्त्रालयका प्रवक्ता डा.गौतमका अनुसार चितवनमा ५५ र १८ बर्षका २ महिलाको निधन भएको छ भने काठमाण्डौमा ८९ बर्षकी वृद्धा, ललितपुरमा ७० बर्षकी वृद्धा, तनहुँमा २० बर्षकी र कपिलवस्तुमा ६० बर्षीया संक्रमित महिलाको पनि निधन भएको प्रवक्ता डा.गौतमले जानकारी दिए ।
यसैगरि, बारामा ९७ बर्षीय वृद्ध, चिनवतका ६५ बर्षका, भक्तपुरमा ४० बर्षीय, काठमाण्डौंमा ७० र ७५ बर्षका पुरुषहरुको निधन भएको छ भने धादिंगमा ४७ बर्षका पुरुषको पनि निधन भएको मन्त्रालयले जनाएको छ । प्रवक्ता डा. गौतमका अनुसार हालसम्म मृतकको संख्या २५१ जना पुगेको छ । यो हालसम्मको संक्रमितको ०.६ प्रतिशत हो ।
