_1704867435.jpeg)
धरान: धरानमा आज थप १४ जनामा कोरोना संक्रमण पुष्टि भएको छ ।
स्वास्थ्य महाशाखाका अनुसार वीपी कोइराला स्वास्थ्य विज्ञान प्रतिष्ठानको ल्याबमा गरिएको परिक्षण अनुसार धरानका थप १४ जनाका कोरोना संक्रमण देखिएको हो । महाशाखा प्रमुख उमेश मेहताका अनुसार धरान १३ ठेगाना भएका २ जनामा संक्रमण देखिएको छ । ती मध्ये एक जना महिला र एक जना पुरुष छन् ।
यस्तै, धरान ९ ठेगाना भएका एक पुरुष र एक महिला गरि २ जनामा संक्रमण पुष्टि भएको छ । धरान १८ ठेगाना भएका ३ जनामा पनि कोरोना पोजेटिभ देखिएको छ । उनीहरुमा २ जना पुरुष छन् भने एक जना महिला छन् । धरान १ ठेगाना भएका २ जना पुरुषलाई पनि कोरोना भएको छ भने धरान १६ का पनि २ जना पुरुषमा संक्रमण पुष्टि भएको छ । यसैगरि, धरान १० की एक महिला, धरान १२ का एक पुरुष र धरान १५ की एक महिलामा पनि संक्रमण देखिएको छ।
