_1704867435.jpeg)
धरान: नेपालमा कोरोना संक्रमितहरुको कुल संख्या एक लाख नाघेको छ ।
पछिल्लो २४ घण्टामा २ हजार ५९ जना कोरोना संक्रमित थपिएसँगै कुल संक्रमितहरुको संख्या १ लाख नाघेको हो । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले २४ घण्टाको अवधिमार नेपालमा २ हजार ५९ जनामा संक्रमण देखिएको बताए । उनका अनुसार देशभर संक्रमित हुनेको संख्या १ लाख ६७६ पुगेको छ।
पछिल्लो २४ घण्टामा १६ सय ८० जना डिस्चार्ज भएको पनि उनले जानकारी दिए । यो सँगै नेपालमा कोरोनामुक्त हुनेको कुल संख्या ७३ हजार २३ जना पुगेको छ । यसैगरि, पछिल्लो २४ घण्टामा कोरोनाबाट १० जनाको मृत्यु भएको छ। योसँगै नेपालमा कोरोना संक्रमणबाट मृत्यु हुनेको संख्या ६०० पुगेको छ ।
