धरान: धरानमा कोरोना संक्रमितहरुको संख्या दिनहुँ उच्च दरमा वृद्धि भइरहेको छ । आज धरानमा थप १९७ जना कोरोना संक्रमित पुष्टि भएको छ ।

धरान उपमहानगरपालिकाका स्वास्थ्य महाशाखा प्रमुख उमेश मेहताका अनुसार हिजो राती र आज बिहान आएको पिसिआर रिपोर्ट अनुसार १९७ जनालाई संक्रमण पुष्टि भएको छ । यो रिपोर्ट एन्फा एकेडेमी क्वारेन्टनाइनस्थल र वीपी कोइराला स्वास्थ्य विज्ञान प्रतिष्ठानमा संकलन गरिएको स्वाब परिक्षणको आएको हो । योसँगै धरानमा कुल संक्रमितहरुको संख्या १ हजार ३ सय ७९ पुगेको पनि मेहताले जानकारी दिए ।