धरान: नेपालमा पछिल्लो २४ घन्टामा ४ हजार ३ सय ९२ जनामा कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार नयाँ थप भएका संक्रमितहरुसँगै नेपालमा कोरोना संक्रमितको कुल संख्या १ लाख २६ हजार १ सय ३७ पुगेको छ । मन्त्रालयका प्रवक्ता डा.जागेश्वर गौतमका अनुसार पछिल्लो २४ घन्टामा कोरोनामुक्त भएर डिस्चार्ज हुनेको संख्या पनि ३ हजार ५ सय २२ जना छन् । यो सँगै हालसम्म डिस्चार्ज हुनेको कुल संख्या ८८ हजार ४० जना पुगेको पनि डा.गौतमले बताए ।

२१ जनाको मृत्यु

मन्त्रालयका अनुसार पछिल्लो २४ घन्टामा नेपालमा थप २१ जना कोरोना संक्रमितको मृत्यु भएको छ । योसँगै कोरोना संक्रमणबाट मृत्यु हुनेको कुल संख्या ७ सय १५ पुगेको छ ।