धरान: धरानमा आज २३ जना कोरोना संक्रमित थपिएका छन् ।

एन्फा एकेडेमी र वीपी कोइराला स्वास्थ्य विज्ञान प्रतिष्ठानको हेल्प डेस्कमा संकलन गरिएको स्वाब परीक्षण गर्दा २३ जनामा संक्रमण पुष्टि भएको हो । आज शुक्रबार साँझ आएको यो रिपोर्टसहित धरानमा कुल संक्रमित संख्या ३४१० पुगेको छ । ती मध्ये ४५५ जना मात्र सक्रिय संक्रमित रहेको स्वास्थ्य महाशाखा प्रमुख उमेश मेहताले जानकारी दिए ।

मेहताका अनुसार धरानका कुल संक्रमित मध्ये २८८५ जना निको भइसकेका छन् । धरानमा मृत्यु हुने संक्रमितको संख्या ७० पुगेको छ । उनका अनुसार आज एन्फामा २६ जनाको स्वाब संकलन भएको छ ।