_1704867435.jpeg)
विराटनगर: प्रदेश १ मा आज २६ जना कोरोना संक्रमित थपिएका छन् ।
मोरंगमा मोरंगमा १३, झापामा ८, सुनसरीमा २, धनकुटामा १ र प्रदेश १ बाहिरका २ जना रहेको सामाजिक विकास मन्त्रालयले जनाएको छ । मन्त्रालयका अनुसार मोरंगको विराटनगरमा १३ जना, झापाको विर्तामोड र दमकमा २–२ जना, भद्रपुर, मेचीनगर, अर्जुनधारा र झापा गाउँपालिकामा १–१ जना संक्रमित थपिएका छन् ।
यस्तै, सुनसरीको इटहरी र दुहवीमा १–१ जना संक्रमित छन् भने धनकुटाको धनकुटा नगरपालिकामा १ र प्रदेश १ बाहिरका २ जनामा संक्रमण देखिएको छ । हालसम्म संक्रमितको संख्या ३० हजार ४९६ पुगेको छ । संक्रमित भएका मध्ये २९ हजार ८७० संक्रमणमुक्त भएका छन् ।
प्रदेश १ मा आज २९७ जनाको पीसीआर परीक्षण गरिएको छ । परीक्षण गरिएका मध्ये १२ महिला र १४ पुरुषको रिपोर्ट पोजेटिभ आएको हो । हालसम्म २ लाख ३३ हजार ७६८ जनाको पीसीआर परीषण गरिएको सामाजिक विकास मन्त्रालयले जनाएको छ ।
