धरान: धरानका दुई दाजुभाई ब्राउन सुगरसहित विराटनगरमा पक्राउ परेका छन् ।

धरान ६ का २४ बर्षीय सौरभ र उनको भाई सौगात आचार्य पक्राउ परेका हुन् । मोरङ बिराटनगर महानगरपालिका १५ को २ नम्बर ढाटबाट उनीहरुलाई पक्राउ गरिएको प्रहरीले जनाएको छ । दुवैलाई हिजो बेलुका ५ बजे लागूऔषध नियन्त्रण ब्युरोबाट खटिएको प्रहरी टोलीले उनीहरुलाई पक्राउ गरेको हो ।

दुवैको साथबाट ब्राउन सुगर १० ग्राम १२० मिलिग्राम पनि वरामद भएको प्रहरीले जनाएको छ । पक्राउ परेका दुवै जनालाई ईलाका प्रहरी कार्यालय रानीबाट थप अनुसन्धान भईरहेको जनाएको छ ।