धरान: धरान १५ स्थित बाँझोगरा क्लबका अध्यक्षसहित धरानका १७ जना युवाहरु जनता समाजवादी पार्टी प्रवेश गरेका छन् । 

स्थानीय चुनाव नजिकिदै गर्दा शुक्रबार जसपा लिम्बुवान राष्ट्रिय समितिको दोस्रो पुर्ण बैठकको अवसरमा धरान १५ स्थित चुम्लुङ हिममा युवाहरु पार्टी प्रवेश गरेका हुन् । पार्टी प्रवेश गर्नेमा बाँझोगरा क्लबका अध्यक्ष कर्ण केदेम, सचिव पुर्ण गरुङ रहेको लिम्बुवान राष्ट्रिय समिति उपाध्यक्ष जेन्टल लावतिले जानकारी दिए ।

यस्तै, पार्टी प्रवेश गर्ने अन्य युवाहरुमा लाक्पा शेर्पा, हरि तुम्सा, निर्माण ब्याबसायी जय चाम्लिङ, निर्मल चोङ्बाङ, सन्तोष राई, गौतम हुक्पा चोङबाङ, रबिन तामाङ, बिपिन राई, खेम मादेन, सिम लिम्बू, सरोज लिम्बू, भलिबल खेलाडी धनबहादुर मगर ,जयएन्द्र प्रसाद पारघरी,सुबास राई, प्रबिन राई, भिम लिम्बू रहेका छन् । उनीहरुलाई पार्टीका केन्द्रिय कार्यकारिणी सदस्य रकम चेम्जोङले खादा लगाएर स्वागत गरेका थिए ।