संखुवासभा: खोटाङ सोङदेलका २३ बर्षीय उचित राईको ट्याक्टरले किचेर मृत्यु भएको छ ।

हिजो शुक्रबार बेलुका पौने ७ बजे संखुवासभा खाँदबारी तल्लो पांमास्थित नुम खाँदबारी सडक खण्डमा डालाले किच्दा ट्याक्टरका चालक राईको घट्नास्थलमै मृत्यु भएको जिल्ला प्रहरी कार्यालय संखुवासभाले जनाएको छ । ढाडेभिरबाट ढुङ्गा बोकेर खाँदबारीतर्फ आउँदै गरेको को १ त ९१५३ नम्बरको ट्याक्टरको पछाडी डालाको दाहिने साईटको चक्का भाँचिए पछि बनाउने क्रममा दुर्घटना भएको हो । प्रहरीका अनुसार जग लगाएर बनाउने क्रममा अचानक जग माटोमा भासिन गई चालक राईलाई किचेको थियो ।