सुनसरी: सुनसरीको भोक्राहा नरसिंह गाउँपालिका ८ सोनीयाई टोलमा भएको मोटरसाईकल दुर्घटनामा एक महिलाको मृत्यु भएको छ ।

बुधवार दिउँसो ३ बजेको समयमा दक्षिणबाट उत्तर तर्फ जाँदै गरेको स ३ प ७०१२ नम्बरको मोटरसाईकल आफै अनियन्त्रित भई दुर्घटना भएको थियो । दुर्घटनामा मोटरसाईकल चालक स्थानीय ४५ बर्षीय शिवनारायाण यादव र उनको श्रीमती ४० बर्षीय सबितादेवी यादव घाईते भएका थिए । घाईते दुबैलाई उपचारको लागि बिराटनगरको न्यूरो अस्पताल पठाईएको थियो । अस्पतालमा उपचारको क्रममा सबितादेवीको अपरान्ह पौने ५ बजे मृत्यु भएको प्रहरीले जनाएको छ ।