_1704867435.jpeg)
धरान(डेस्क): शुक्रबार मध्यराती सुन्दरहरैचा नगरपालिका ८ स्थित पुर्वपश्चिम लोकमार्गमा पर्ने सलकपुरमा विपरीत दिशाबाट आइरहेको मोटरसाइकल एकआपसमा जुध्दा २ को मृत्यु भएको छ भने २ जना गम्भीर घाइते भएका छन् ।
ईटहरीस्थित १ नम्बर प्रदेश ट्राफिक प्रहरी कार्यालयका अनुसार घटना राती करिब ११ बजेर ५५ मिनेटमा भएको हो । पश्चिमबाट पुर्व तर्फ जादै गरेको को.३७ प.१७ नम्बरको मोटरसाइकल र बिपरित दिशाबाट आउदै गरेको को.३४ प.६६०२ नम्बरको मोटरसाइकल आपसमा ठक्कर खाएको थियो ।
मोटरसाइकल जुध्दा सुन्दरहरैचा ८ का अन्दाजी २२ बर्षीय बिशाल खत्री र वडा १२ का अन्दाजी २३ बर्षीय अर्पण गुरागाईको घटनास्थलमा नै मृत्यु भएको थियो भने सुन्दर हरैचा ८ २१ बर्षीय प्रदीप थापा र संखुवासभाको चैनपुर ३ का २० बर्षीय लक्ष्मण खत्री गम्भीर घाइते भएका थिए । घाइते दुवैको विराट नर्सिंङ होममा उपचार भइरहेको ट्राफिक प्रहरीले जानकारी दिएको छ ।
